مقالات خمس أنماط للمرأة تجعله يترك المنزل نشر بواسطة: زغلول علي نشر في: السبت: 03 / 04 / 2021 - 9:04 مساءًبقلم ا. د/ فتحي الشرقاويأستاذ علم النفس بجامعة عين شمس بناء على طلب الرجال…زوجات جوزها مابيطقش يشوف وشها.ولا بيحب يقعد جنبها ولا معاها…والغريب…إن الزوجات دي طول الليل والنهار …مصدعين دماغنا على طول إن الراجل جوزهاسايبلها البيت ومابيقعدش معاهاهقولكم النهارده خمسة أنماط منهن بس…والباقي بعدين مش النهارده. ..النمط الأول:زوجة لازالت بعقلية طفلة صغيرة.ارتباطها بأمها وأفراد عائلتها اخواتها المقاطيع اللي زيهايفوق كل تصور لو تطول تقعد عندهم 24 ساعة في اليوم لجلست.دي ماكانش ليها لا جواز ولا هباب 😃ولائها الأول والأخير للولية أمها وبس..أفكارها من عند أمها وبس…وقراراتها مع زوجها من بنان أفكار أمها….سعادة وتعاسة جوزها مرهونة بكلمة من امهاالنمط الثاني: زوجة زنانه ولحوحة لا تترك زوجها في حاله أبداًدائما تحاصره بالأسئلة ولا تكف عن حصاره..بكل علامات الاستفهام فين، امتى ،ازاي،..جوزها لا يجد أمامه ملجأ للراحه غير انه يطفش من وشها.أما البقاء أطول فترة ممكنه خارج البيتأو يقضيها نوم بالساعات أو ياكل سد الحنك وهو قاعد معاها..أو يتلكك لها على أي حاجه ويقلبها نكد..أو يجيله ضغط وسكر ودوالي وصداع وجرب وتساقط الشعر وروماتيزموبعدين يتكل على الله ويسيبلها الجمل بما حمل..ههههوبعدين تشتكي..هو جوزي مابيحبش البيت ليه؟النمط الثالث:زوجة مهملة في شكلها ومظهرها وأناقتهاصديقة حميمة لجلباب المطبخ بكل روائحه الجميلة من بصل وثوم وخلافهشعرها على طول منكوش أو مربوط بفوطة المطبختهتم بمظهرها مرتين في السنه الأولى مع العيد الصغير و التانية في العيدالكبير…منتهزة في ذلك حموم أبناءها الصغار….لا شوية أحمر ولا أخضر. .ولا هبابكل اللي عندها على تسريحتها ازازه كولونيا خمس خمسات..هههههوبعدين تشتكي هو جوزي مابيحبش البيت ليه؟النمط الرابع: زوجة بينها وبين التدبير المالي خصام ..لو معها مال قارون وملايين الدنيا تقوللك معيش أتصرف انت هو مش انت راجل البيت…. جوزها على طول مداين ومادد أيده للي يسوى ومايسواشوبعدين تشتكي..هو جوزي مابيحبش البيت ليه.النمط الخامس زوجه مهرجلة عشوائية. بيتها يضرب يقلبلا انت عارف الصالون من النوم من الحمامكله سمك لبن تمر هندي..والغريب انها في حديثها مع زميلاتها تؤكد أنها ( فله) بضم الفاء وتسكين اللاممايحللهاش الترويق و الغسيل إلا وجوزها قاعد في البيت في اجازتهوبعدين تشتكي هو جوزي مابيحبش البيت ليه..كفايه النهاردة الأنماط الخمسةمجرد خاطرةاكمل القراءة فتحى الشرقاوى نشر/مشاركة