دكتور فتحى الشرقاوى يكتب .. رساله..للهجاصين !!

بقلم / ا.د.فتحي الشرقاوي

            أستاذ علم النفس جامعة عين شمس

رساله..للهجاصين والمطبلاتيه…

والمهيصجيه والهمبكيه والمحنجلاتيه……

في مثل شعبي مصري قديم بيقول 

(صامت يوم واتمخطرت للعيد)

عارفين معناه إيه إنك تلاقي حد زميلك.. ..

انتم آلأتنين مكلفين بعمل تعملوه.

والمفروض إنه بيشاركك ويعاونك وانتم الاتنين.

مسؤلين عن العمل ده..وفجاة ماتلاقهوش..

جنبك ولا معاك طول فترة انجازك انت للمهمة دي.

وتفضل تدور عليه.. وماتلقهوش فتضطر انت

تقوم بالعمل لوحدك طبعا علشان تنجز….

وأول ما الزميل الغلس ده مايعرف انك قربت

تخلص الشغلانه دي خلاص تلاقيه ظهر وبان

وجاي رهوان زي القطر يقولك..انا هو فين الشغل

شويه همبكه مع حبة مهيصه وتنطيط وشهيصه

يبان ويظهر للجميع إن الحد ده ياعيني..

شغال وطفحان الدم معاك.

ومش بعيد يوحي لكل الناس..إنه هو اللي انجز كل الشغلانه دي..

وانت ماعملتش اي حاجه منها.

ساعتها…عاوزك تحرجه.وتفضحه وسط كل الناس

وأولهم رئيسك في العمل وتقوله بأمارة ايه

ياروح خالتك حمؤه…ماتتكسفش…

بأمارة إيه جاي دلوقتي تفرح وتتنطط وتتحنجل..

وفاتح بؤقك اللي عامل زي فتحة البلاعه.

للكاميرا وللصورة وللتكريم.

وتقوله بالمره المثل ده..

(صامت يوم واتمخطرت للعيد..) 

يعني يابنت الهبله..

انت صومتي اخر يوم في رمضان..

وعندك كمان نفس تتمخطري وتتبسطي لاستقبال العيد.

هو انت تعبتي أصلا في الصوم..

علشان تفرحي قوي كده بالعيد .

اكشفوا #الرقاصين #والمطبلاتيه .

مجرد خاطره