يا اخي ..ارحم !!

بقلم ا د/ فتحي الشرقاوي
أستاذ علم النفس بجامعة عين شمس

يا اخي ..ارحم..
ده إنت كنت بتشتهي تتنفس…
ومش عارف تاخد نفسك….
والموت كان محاوطك من كل جانب…
وعمال تدعي ربنا ليل نهار انه يشفيك..
خلاص….
وبعد ربنا مانفخ في صورتك وشفاك وعفاك برحمته.
دلوقتي اتنمردت وعاوز تتاجر بدمك.
تصدق…أنت انسان غير محترم ومش متربي
وماعندكش ذرة أخلاق ولا مروءة…
عن المتاجرة ببلازما الدم للمتعافين..اتحدث
في ناس ربنا كرمها وتم شفائهم من الكورونا
الناس دي لو أخذنا بلازما الدم منهم..
وحطناها لمريض مصاب بالكورونا..
ربنا يشفيه ويعافيه بإذن الله .
ولما بعض المتاعفين… أقول بعض …
عرفوا الموضوع ده…
الكثير منهم استجابوا وتبرعوا عن طيب خاطر.
لأنهم سبق لهم المعاناة من نفس المرض..
أما القله القليله..اللي عاوزه حرق….
إللي عاوزه تتاجر ببعض آلاف من الجنيهات
ببلازمتها الدموية لغيرها.
شوفتم نداله اكتر من كده.
( إِنَّ الإنْسَانَ لِرَبِّهِ لَكَنُودٌ ) العاديات ٦
#مجرد _خاطرة