ياريت ماتكونش الشخص ده
بقلم ا. د. :فتحي الشرقاوي
أستاذ علم النفس
جامعة عين شمس
ياريت ماتكونش الشخص ده…
لأن آهاته المكتومه وانينه الصامت من غير صوت..
محدش بيسمعها أو بيحس بيها غيره بس…
الشخص إللي زي ده..
تلاقي الابتسامات مرسومه على شفايفه….
والناس كلها حاسداه عليها…
وهو في الحقيقة من جواه….
بحور و انهار من نزيف الألم والمعاناة ..
دايما بيجي على نفسه قوي… وبيظلم نفسه معاه..
كل ده علشان يرضي غيره…
ويثبت لهم إنه سعيد ومبسوط وبخير..
وإنه يملك مفاتيح سعادتهم معاه
في الوقت إللي التعاسة والوجع ساكنين جواه..
ومش بيفارقوه لحظة واحدة….
صدقني… مفيش حد في الوجود..
يستاهل.. إنك تكون معاه غير إنت
فهمك لذاتك أول طريقك لفهم ذوات الاخرين
مجرد خاطره