مفيش اتنين بيحبوا بعض !!
بقلم ا د فتحي الشرقاوي
أستاذ علم النفس بجامعة عين شمس
مفيش اتنين بيحبوا بعض..
مزعلوش واتقمصوا من بعض…. عادي…
والزعل بين المحبين أنواع وأسباب كتيره.
وأهم أنواع الزعل الزوجي اللي الكثير من الأزواج
مايعرفوش يتعاملوا معاه هو …
الزعل #الإستراتيجي (الزعل من غير زعل)
هتقولي دي فزوره ولا ايه هقولك دي حقيقة مش فزورة
لما الزوجه تحس #بالفتور العاطفي من جوزها
ومحتاجه جوزها #يقرب منها #ويطبطب عليها
#ويسأل عنها #ويحضنها برفق #ويقولها كلمتين حلوين
وهو طبعا مش هنا ومش واخد باله منها ولا مهتم أصلا بيها.
تقوم تعمل نفسها #مقموصة #وزعلانه منه
على اي سبب تافه او اي حاجه لا تستدعي.
الزعل أو القمصة…. تلاكيك..
طبعا الزوج الرومانسي العاطفي الحالم….
هيفهمها وهى طايره زي ما بيقولوا..
وهيفسر زعلها على طول بأنها بتناوشه بشكل غير مباشر..
فيقرب منها ويطيب خاطرها..
وفجأة تلاقي ضحكتها نورت وملت وشها..
كأن الشمس نورت في يوم ملبد بالسحاب..
أما لو كان الزوج من النوع #القفا #والحيطه
اقصد #المتبلد والمسطح وجدانيا وعاطفيا وانفعاليا.
فيفضل بالساعات يهبد في كلام في كلام..
و يدخل معاها في #مناقشات حاميه..
وينتقدها على هيافة و تفاهة أسباب زعلها..
وهاتك ياشرح وتفسير وحرقة دم بالساعات
ويمكن يطلعها في الاخر #مريضه #وهايفه
#وساذجه #وطفله بتزعل من اي حاجه..
حاول تفهم ياغبي ده زعل إستراتيجي ..
الغرض منه إنك #تروحلها وتحتويها..
مش تبعد عنها وتهجرها..
يارب نفهم….
#مجرد _خاطرة