مش غريب..إنك طول الوقت.. حاسس بمشاعر الذنب

بقلم ا.د. فتحي الشرقاوي
أستاذ علم النفس بجامعة عين شمس

مش غريب..إنك طول الوقت..
حاسس بمشاعر الذنب Guilt feelings
إنك قصرت في حق ده….ودي…. ودول..
ومفيش مرة أو لحظه حسيت فيها ..
بمشاعر ذنب ناحية نفسك..
اللي على طول مقصر معاها..
وتاعبها وكاسرها وذاللها …
مين .المفروض نحس بالذنب علشانه..
اللي مضايقنا وناكر جميلنا وخيرنا
اللي مش مفرحنا…وقاصد يغضبنا.
وألا نفسك حببتك…… اللي جواك..
نفسك اللي ياما شافت معاك تعب وحزن..
وأرق وتوتر وخصام ووجع…
عزيزي….عزيزتي..
الأولى بمشاعر ذنبك دي انت..مش هم..
لو حد المفروض يصعب عليك..يبقى نفسك
ياريت تروح تصالحها.. وتطبطب عليها..
وقولها آسف يانفسي..
#مجرد تخاريف..لكن ليها #معاني