مش اي حد تفضفض معاه …

بقلم ا.د.فتحي الشرقاوي
أستاذ علم النفس جامعة عين شمس

مش اي حد تفضفض معاه …
في ناس ماينفعش تفضفض معاهم بأي حاجه
ولا كمان تستشيرهم في أي مشكلة تخصك.
حتى لو كانوا قريبين منك…
لأن فضفضتك ممكن تسببلك مشاكل كتير
#شخص فاشل فشل كبير ومتكرر في نفس مشكلتك
تفتكر هيفيدك بيه …كان أفاد نفسه الأول.
#شخص بيحقد عليك وبيغير منك ومن نجاحك.
طبعا بيسمعك علشان يقلب عليك بعد كده
#شخص غير متزن انفعاليا وغير واثق من نفسه.
إذا كان هو شخصيا معندوش ثقة بنفسه..
يبقى ازاي هتثق في رأيه في مشكلتك
#شخص خبراته في الحياة ضعيفة ومحدودة
تفتكر إزاي تنتظر منه رأي أو مشورة …
وهو خام عديم الخبرة والممارسة
#شخص مفيش بينه وبينك خبرات مشتركة سابقة.
يعني ماتعرفوش كويس…إزاي تأمن لحد
تتكلم معاه عن أسرارك ومشكلاتك الشخصية..
وإنت مش مالي أيدك منه ولا واثق فيه
#شخص خفيف مابيتبلش في بؤه فوله.
ده بقى هيفضحك ويلم عليك إللي ما يشتري يتفرج
#شخص بينتمي لناس بينك وبينهم عداوه.
لإنه من السهل استقطابه لضربك من ورا ضهرك
#مجرد_ خاطره