لحظات الصمت !!
بقلم /ا. د فتحي الشرقاوي
أستاذ علم النفس بجامعة عين شمس
في لحظه ممكن تجيلك..
مش عاوز تتكلم فيها مع حد…
ولاعاوز تتجاوب مع حد..
ولا عاوز تتحرك من مكانك..
ولا عاوز تنفعل بأي حاجه…
ومش بالضرورة في اللحظه دي..
تكون عندك مشكلة..او بتعاني من ازمه ..
ودي لحظات عادية بنمر بيها كلنا…
لكن المصيبة السودا…
ومش عادي و يجيبلك ضغط وسكر
ويخليك تزعل بجد…
إن كل اللي حواليك تلاقيهم نازلين اسئلة
#مالك..
#في إيه..
#إيه اللي حصلك..
#مين مزعلك
ومابيسكتوش …والحاح غريب…
وطبعا انت في الحالة دي..
بتكون هربان شوية من واقعك شوية..
فتلاقي نفسك بيرجعوك ويجرجروك للواقع ده تاني
اهو تصرفهم ده معاك في حد ذاته ..
ممكن يجيب نتيجه عكسية..فتنفعل عليهم
وتبان انك قليل ادب..
لأنك بتنفعل عليهم وهم عاوزين يساعدوك
ياناس..ياهوووووو.
مش كل صمت وشرود ذهن وانفراد بالنفس
يبقى لازم يكون عندي مشكلة تتحكي..
#فن فهم #خصوصيات الذات
مجرد خاطرة