كفايه..حرام
بقلم ا.د.فتحي الشرقاوي
أستاذ علم النفس بجامعة عين شمس
سارقي فرحتنا ولحظات سعادتنا…
كفايه..حرام
ياريت تسيبونا في حالنا وتبعدوا عنا
في شخص في حياتك…
متخصص لدرجة الإبهار في إزاي يفسد عليك
لحظة انبساطك وفرحتك وسعادتك…
والغريب أن دخلته عليك في الأول بتكون حلوه.
وبعدين الدراما تشتغل وتقلب معاك بهم وغم
دخلته عليك في الأول يبان منها فرحته بيك
وشوية شوية يبدأ التقطيم (يقطمك)خدوا بالكم من الأسلوب ده
اسلوب…(مبروووك………لكن) ..
بدل ماتكون فرحان تلاقي نفسك مهموم…
و تفضل دماغك تشتغل وتوديك وتجيبك.
مثلا…
#تبقى ناجح وجايب تقدير جيد جدا.
يقولك في أول رد فعل مبروووك..
بس قدراتك اكبر بكتيير من كده كنت متوقع ممتاز
لكن معلش خيرها في غيرها
خيرها في غيرها ازاي إيه يا ابن التيييت😀😁🤣
ده انت وابوك وامك كنتم بتجيبوا تخلفات ورسوب ومنقولين بمواد😃😆
#اشتغلت في وظيفة محترمةوراقيه تلاقي أول رد فعل
بس الوظيفة دي ما تناسبكش انت تستحق افضل من كده على العموم مبروك…
#بتعزمي واحده على حفلة خطوبتك وتقولك
هو بيشتغل ايه..تقوليلها وظيفته..يكون رد فعلها السريع
كنت متوقعه حاجه غير كده خالص
على العموم مبروك..
خدوا بقى من المواقف المفسكنه.
وقتل فرحة اللحظه دي كتييير قوووي.
لدرجة ان الواحد بقى مش عارف..
يفرح بأي حاجه…ولا يبقى مهموم
وعلشان نتعود نفرح….
مافيش قدامنا غير حلين..
اما مانتكلمش مع الناس دي خالص في اي موضوع
يخص فرحتنا ولحظات سعادتنا
إما نصفعهم أول بأول على وشوشهم..لما يحاولوا يسرقوا فرحتنا..
#ماتخلوش اي حد منفسن #يسرق لحظات فرحكم
قولولهم ابعدوا عنا جاتكم #القرف
#مجرد _خاطره