شريط الذكريات
بقلم ا .د/ فتحي الشرقاوي
أستاذ علم النفس بجامعة عين شمس
أكيد..
كل واحد فينا…. عاش اللحظات دي
إنك تكون قاعد لوحدك مع نفسك…
ويبدأ شريط من الذكريات والأحداث …
كأنه فيلم سينمائي(ابيض واسود)..
يعدي من قدام عينيك بالصوت والصورة..
كل المواقف اللي فيه وجع وألم ومعاناة….
تسبب فيها ناس من القريبين منك قبل البعاد عنك
وتلاقي نفسك صعبت عليك قووي…
وابتديت تحس بالزعل …
من نفسك وعلى نفسك….
ياه..إحساس صعب جدا….
وفجأة ترغرغ عينيك بالدموع.
وكأنك لسان حالك من جواك..
بتقول لنفسك أنا عمري ماكنت كده …
وما استهلش كل اللي بيجرالي ده…
نصيحتي..
ياريت ماتسيبش نفسك كتير امام تداعيات.
احداث الماضي الحزين…
وارسم لحظتك واللحظات اللي جايه.
بألوان أكثر تفاؤلا واملا ..
من اللي كنت بتستدعيها في خيالك.
اخرج من كهفك بسرعه…
#مجرد _خاطرة