“جوزك مش طايقك” رؤية استاذ علم النفس دكتور فتحى الشرقاوى

بقلم ا. د/ فتحي الشرقاوي
أستاذ علم النفس بجامعة عين شمس

تعرفي ازاي ..
إن الراجل جوزك مش طايقك..
ولاطايق ريحتك ولا طايق يبص في وشك

اول مؤشر…
كل ما تيجي تتكلمي قدامه في اي موضوع.
تلاقيه على طول بيتريق عليكي ويسخر منك ويستهزأ بكلامك
تاني مؤشر..
مايحلالوش نقدك وإظهار كل عيوبك إلا قدام الناس
وخاصة المقربين ليكم أنتم الاتنين ..
علشان يبينلهم انه قد ايه مستحملك غصب عنه
ثالث مؤشر..
الكلمة الحلوة مابتطلعش من بؤقه ابدا…
تيجي مناسبات وتروح أعياد.. وهو واكل سد الحنك…
رابع مؤشر..
كل حاجه هو بيحبها وبتعمليها علشانه، يصدك وينفرد منك ويحسسك إنه مش عاوزها
خامس مؤشر
تواجده معاك في البيت نادر كأن بيته زي الفندق
يادوب ياكل ويشرب ويغير هدومه وبعدين ينزل ويرجع بالليل علشان يتخمد وينام بس.
سادس مؤشر
مابيحبش يقعد معاكي على انفراد، ولو أتينا ولقى نفسه وجها لوجه معاكي، ويشغل نفسه بالهباب اللي اسمه الموبايل
والجيمز( الالعاب) اللي مابتخلصش (بابجي)
سابع مؤشر
بيهرب من أداء اي مسؤوليات تخصك وتخص الاولاد والبيت
ويوم ما تطلبي منه حاجه تخص بيتكم، ينفعل عليك كأنك بتطلبي حاجه غريبه وعجيبه
وهاتك يازعيق وخناق وخصامات.
ثامن مؤشر..
لما تكوني تعبانه ومضغوطه وقرفانه من الدنيا واللي فيها
هتلاقيه هو في عالم تاني، لا حاسس بيك
ولا شاعر بوجعك ولا متعاطف معاك
ويمكن كمان ينتقدك إنك بتتمارضي وبتمثلي إنك تعبانه..
تاسع مؤشر..
ما من مرة تتناقشوا في موضوع،..
إلا ويطلعك مابتفهميش، وأن هو ابو العريف
وانه هو بس اللي بيفهم الكوفت ..
وهو لو مؤاخذه حمار حصاوي بودنين
عاشر مؤشر
مابيحبش ياخدك معاه في اي مناسبة اجتماعية
إذا كان هو مش طايقك وانتم لوحدكم، يبقى هيطيقك إزاي وانتم مع بعض قدام الناس ،
هتقولولي…طيب نعمل ايه..
اقولكم..
ربنا #ياخدكم أنتم الاتنين #ويريحنا منكم ومن #قرفكم..ياوش #النكد انت وهى
😀😁😆🤣😄😂
#مجرد _خاطرة