انا المشاغبة

كلمات / شيرين هارون

أنا المشاغبة….. إللى كانوا

بيتحاكوا بيها

وأنا المشاكسة….. إللى كانوا

بيقولوا عليها

بعترف أنى خلاص

أعتزلت الجدال

وجادل ليه

وأنا شايله حمل الجبال

راح الوتد… راح السند

والحمل مال

يا دهرى ليه… بتنحنى

عدى المحال

معقولة .. دى حقيقة ولا خيال

أمى وأبويا سبونى

من حال لحال

وعلمونى أنى أقف.. وقفة رجال

بس نسيوا يعلمونى

أزاى… أعيش

من غير هوا… من غير دوا

ومشتكيش

دا الواحد من غير حبايبه

ميساويش

وأنا والله بعدكم … والله ماليش