الصورة من قريب مختلفة !!
بقلم ا. د/ فتحي الشرقاوي
أستاذ علم النفس بجامعة عين شمس
في أشخاص..في حياتك…
طول ماهم بعيدين عنك..
صورتهم في راسك بتكون حلوه وجميله
وأول ما تقرب منهم قوي قوي قوي..
وتشيل المسافات اللي بينك وبينه..
تبدأ صورتهم تتغير للنقيض…
ساعتها بتنزعج وبيتملكك القلق والتوتر..
وتسأل هو إيه اللي غيرهم..
دول كانوا حلويين…بقوا وحشين ليه؟
ياحبيبي..
هم ما اتغيروش..ولا احزانون..
إنت اللي قربت منهم زياده عن اللزوم.
انت اللي شيلت المسافات اللي بينكم….
فشوفت الحاجات الصغيرة..
إللي ماكانتش باينه ولا ظاهرة..
شوفتها كبيرة وضخمه زي الجبال .
يبقى العيب عيب مين..
عيبه هو ولا عيبك أنت…
نصيحتي ليك..
عاوز تعيش مرتاح البال..
خلي العلاقة اللي بينك وبين اي حد .
فيها مسافات(نفسيه وانفعاليه وذهنيه ومكانية)
المسافة دي هتخليك تشوفه وتشوف نفسك
معاه بوضوح.
لأنك لمابتقرب منه زياده عن اللزوم..
مش بتقدر تشوف نفسك..
لان صورته الكبيره في عينيك.
مخلياك معمي ومش شايف غيره..
#سيبوا بينكم #مسافات.. #تسلموا #وتصحوا.
#مجرد _خاطرة