التكامل الحسي والمشاكل الحسية لطفل التوحد

بقلم د/حنان بلاعو
استشاري التأهيل المبكر

ممكن يكون طفلي شديد الحساسية في اللمس او السمع او التذوق
ويقعد لوحده منعزل ومتجنب الاخرين وبيظهر في :-
اللمس:لانه ممكن يضايق من ملمس البلوڤر او الچاكت او يضايق من لمس الناس لي .
ومثال على ذلك
محمد بيخاف يدخل الحضانة
*ليه هو بيخاف* ؟

علشان محدش يخبط فيه او يلمسه يعني هو مش خايف من الحضانة لكن خايف ان حد يخبطه او يلمسه او نلاقي طفل بيرفرف بايده علشان “لايصفق” ويتجنب ان ايده تلمس ايده التانية .
اما السمع:ممكن تلاقي الطفل بيحط ايده على ودانه علشان مش عايز يسمع صوت الجرس او صوت خبط على الباب او صوت الناس اللي في السوق .
اما الشم:-
نلاقي الطفل ممكن يتجنب رائحة الجزارة او العطارة .
اما التذوق:
ممكن يُصر على أكله معينة ولا يغيرها .
السؤال هنا ..

اطفال التوحد كلهم عندهم اضطراب المعالجة الحسية وبيحتاجوا جلسات تكامل حسي 
*الاجابة*
*لا*ممكن تلاقي طفل بيدب رجله في الارض او يخبط بايده على ترابيزة او يخبط جسمه في الناس اللي حواليه او يميل انه يسمع اصوات مرتفعة ،
و لو طبطبتي عليه يضايق لكن لو حضنتيه جامد
يكون مبسوط ويضحك
مجمل كلامي
حتى احنا كطبيعيين عندنا مشاكل حسية
كتير منا ميقدرش يتحمل الصراخ او الصوت العالي
او الدوشة
لكن احنا عاملين زي مؤشر مروحة السقف
نقدر نتحكم في انفعالاتنا
نقدر نجيب المؤشر على رقم ١ او رقم ٢ او رقم ٣
لكن مشكلة اطفال التوحد أعانهم الله انهم
ON وOFF
، لكن بالتدريب المستمر بيتكيفوا وبتنخفض المشاكل الحسية