الاب الفرفوش !!
بقلم ا د فتحي الشرقاوي
أستاذ علم النفس بجامعة عين شمس
مفيش مانع أبدا إنك تكون…
فرفوش وبسيط مع ابنك وبنتك.
هزر وهرج معاهم…
لكن ماتنساش وانت بتتعامل معاهم كده..
انك تعمل بينك وبينهم مسافة ..
من الاحترام والتقدير المتبادل…
إن غلطوا وخرجوا على النص..
تقولهم كده عيب ومايصحش…
صمتك على تجاوزهم…
بيخليهم يعتقدوا انهم صح…
ماتخليش هيبتك كأب تضيع منك…
لأن ضياع هيبتك دي..
معناها عدم تقديرهم ولا هيبتهم..
مع أي انسان كبير في السن.
عرفتوا دلوقتي…
ليه اولادنا مابيحترموش اللي اكبر منهم.
لان صورة السلطة الوالدية انهارت داخل البيوت.
وبان اثرها خارج البيوت وفي الشوارع…
استقيموا يرحمنا ويرحمكم الله..
مش #الاولاد بس اللي محتاجين #يتربوا…
#مجرد _خاطرة