إزاى تتخلص.. من مود اكتئابي بدأ يهاجمك ويسيطر عليك

بقلم ا.د/ فتحي الشرقاوي 
أستاذ علم النفس ..جامعة عين شمس

إممكن تتخلص..
من مود اكتئابي بدأ يهاجمك ويسيطر عليك
وبدأت الأفكار السوداوية تنتابك…
وتشعر بأن في حاجه سيئة هتخلص..
أو هتحصل لحد بتحبه المرتبط بيه…
الخطوة #الأولى…
عاوزك دلوقتي تسترخي تماما(ريلاكس)
وابتعد وتجنب أي مثيرات (اشخاص) ممكن يكونوا بيغذوك بالأفكار السوداوية..
وياريت تكون موجود ف مكان خالي ..
من مشتتات الانتباه أقصد الأصوات والاضاءة والحركة المثيرة..
الخطوة #الثانية…
خذ شهيق وزفير…اكثر من مرة..
مع شد عضلات اليدين والقدمين..
وانبساطهما كذلك…في حركات متتالية
الخطوة #الثالثة ..
عاوزك تسرح وتستدعي من ذاكرتك.
أي موقف أو حدث سار حدث لك في الماضي
سواء القريب أو البعيد…نجاح/ زواج/ مكسب مالي/ مشروع عاطفي/إنجاب طفل/الخ
وابدأ تعايش الحدث السار ده بكل جوارحك
كأنك موجود فيه… في وقته وحينه….
الخطوة #الرابعة..
وانت بتسترجع الحدث السار ده..
عاوزك تفتكر الحدث بإنفعالاته المرتبطة بيه
الفرح السعادة الضحك …
وعاوزك تعيش كل ده..كأنك بتتفرج على نفسك في فيلم
الخطوة #الخامسة…
افترض على المستوى المتخيل…
أنك ممكن تعيش أحداث سارة جديده مماثلة.
مثلما عايشت الماضي الجميل..
وابدأ ارسم سيناريوهات لهذه المواقف السعيدة التي تتوقع معايشتها في المستقبل
وعيش هذه الخيالات بكل جوارحك.
معرفيا وانفعاليا ووجدانيا..
صدقني ..
مودك الانفعالي وحالتك المزاجية.
ممكن تتغير للإتجاه المعاكس بنسبة ١٠٠%
جرب….النتائج مضمونه.. بإذن الله .