مش قولنالك…وماسمعتيش الكلام

بقلم /ا.د.فتحي الشرقاوي
استاذ علم النفس جامعة عين شمس

مش قولنالك…وماسمعتيش الكلام..
وركبتي دماغك وصممتي عليه
شيلي بقى… وماتشتكيش…
شعور قاسي جدا..إنك تتحدي كل الناس …
اللي بتحبك وعاوزه مصلحتك.
وتقفي قصادهم كلهم علشان حد انت اخترتيه وبتحبيه
وبتثق فيه و بعد ده كله تثبت الأحداث والواقع.
إنك كنت غلطانه وكلامهم كله صح الصح.
في اللحظه دي بيبقى وجعك صعب قووي
ياترى هتلاقيها منين ولا منين..
#هتلاقيها من وجع الشخص اللي خذلك و كسر نفسك
#ولاهتلاقيها من وجع نظرة اللوم والشماته والعتاب
اللي بتلاحقك في كل ثانية من اللي حواليك
#ولاهتلاقيها من وجع ضياع حلمك اللي بقالك فترة
بتبني فيه و كنت منتظر تعيشيه على أرض الواقع وضاع.
#ولاهتلاقيها من وجع قلقك وتوترك من فقدان ثقتك في أي حد تاني.
#حقيقي..بأشفق عليك وقلبي معاك
#مجرد _خاطره