مش عارف أنام..

ا. د. فتحي الشرقاوي
أستاذ علم النفس جامعة عين شمس

مش عارف أنام..
طول الليل أتقلب يمين وشمال..
والنوم مش عاوز يقرب مني ولا يزور عينيا.
وبفضل كل يوم على الحال ده ساعات طويله…
لحد النهار ما بيطلع..
و يادوب كل إللي نمته مايطلعش ساعة وآحده..
وطبعا بصحى من نومي مدمر وتعبان مرهق جدا..
بروح شغلي بعده وعينيا متقفله ومتنفخه…
ومش قادر أركز ولا قادر انتبه ومنفعل جدا…
ممكن أعرف إيه السبب ورا المصيبه دي..؟.
بصوا ياجماعة….
صعوبة دخولك للنوم وراها أسباب كتيره جدا..
عاوزك تعرفها وبعدين حددها وعالجه..
هتلاقي نفسك مستريح وهتنام بسهوله…
ويمكن تشخر كمان وإنت نايم.
لأن اضطرابات النوم أعراض لأسباب وراها..
و آكتر سبب ويمكن الأول بلا منازع..
إنك تكون بتعاني من جواك من بعض الصراعات النفسيه..
و إنت فشلت في حل الصراعات دي ومش قادر تحلها.
فبتعيش كل صراعات إللي جواك قبل النوم..
في دماغك وخيالك في صورة أفكار وسواسية… وتصورات ذهنيه وتخيلات للانفعالات وللحوارات….
وطبعا بتلاقي نفسك بدل ما بتسلم نفسك للنوم..
بتلاقي نفسك عمال تعيش مشكلاتك وصراعاتك..
وتفضل تتخيل حوارات و سيناريوهات …
وطبعا الافكار دي كلها بتشد انتباهك وبتخلي مركز..
وبالتالي مشدود ومفيش استرخاء..
وتكون النتيجة إن عينيك بتفضل منفجله وذهنك يقظ
هتقولي.. إيه العمل..
بسيطه… خلص نفسك من صراعات النفسيه..
علشان تخلص من القلق والتوتر والفارق المصاحب للصراعات دي.
ومش عيب إنك تطلب المساعده النفسيه..
يطلع ارشاد أو علاج نفسي …. فلكل داء دواء…
في أسباب تانية بتخليك مش قادر تخش في النوم بسهولة.
عاوزك تعرفها وإعمل عكسها لو عندك…
تناول العقاقير المهدئة… فادمان مثل هذه العقاقير قد يؤدي إلى اضطرابات في مستوى الانتباه ومن ثم صعوبة الدخول الهادئ للنوم
التدخين والمشروبات الروحية والتي تسبب استنفارا للجهاز العصبي وبالتالي عدم استرخاء العضلات
وجود شوشاء أو أصوات مزعجة في مكان النوم أو الاماكن القريبة منه وبالتالي تركيزك في مصدر الأصوات أكثر من انسحاب نحو الدخول في النوم
معاناتك من بعض الاضطرابات النفسيه وانك مش قادر تاخد نفسك..
معاناتك من بعض الاضطرابات المعدة المعنويه مثل المغص والحموضه و الرغبة في القيئ..
عليك مراجعه أخصائي الباطنة للبحث عن علاج
دي كانت بعض الاسباب وليست كلها….
تسبب اضطرابات النوم المتقطع….
إما النوم الزمن و المبالغ فيه لساعات طويله..
فده محتاج بوست خاص به فقط للناس الوخم…