الجينات المصريه

بقلم : سهيلة عمر الرملي

العرق يمد لسابع جد اكيد اللي قال المثل دة كان يقصدنا احنا المصرين طب ما تيجى نحكي ؟؟
ناس كتير تقعد تخمن و تقول ايه اصل المصريين هل هم عرب ولا افارقه ولا يونان ودة جه بسبب الهجرات الكتير اللي حصلت بينا وبين الشعوب ديه علي مر الزمن ولكن اثبتت احدث الدراسات العلميه في علم الوراثه والانثروبيولوجي ان الجين المصري نقي وقدر يحافظ علي نفسه كل السنين ديه و متغيرش بنسبه كبيرة طب عرفنا منين؟؟؟؟؟؟؟؟؟

الفضل يرجع لوجود تماثيل و مومياوات اجدادنا القدماء اننا فضلنا بنفس الشكل ونفس الملامح بدليل وجود نجومنا في المتحف زي مثلا علي الحجار اللي شبه اخناتون و سوسن بدر اللي شبه نفرتيتي وشريهان اللي شبه تويا وحتي فينا لو ركزنا هنلاقي كتير مننا شبههم و عملو نسبه لنقاء الجين و لاقوه انه محفوظ بنسب 73% والباقي تاثر بالشعوب الأخرى و دة يأكد كلام العالم بروداريك في كتابه ( شجره التاريخ البشرى) ان عبر 6000 سنه مفيش تغيركبيره في شكل المصريين علي عكس شعوب تانيه اتغيرت كليا و كمان في عامله مهمه جدا اسمها مارجيت كاندن كان موضوع بحثها انها تنقي انقي 3 فصائل جينيه في العالم عملت دراسات ع الجنس الاراي (الألماني ) و اليهود بفكره ادعائهم انهم جنس لوحدهم و المصريين و حصلها خلال الدراسه ديه مفاجات !!!!! لاقيت ان الجنس الارأي اتغير كتير عبر العصور وبكدة ميبقاش نقي شافت اليهود لاقت انهم مش جنس ليه لان يهود الالمان شبه الالمان و يهود الانجليز شبه الانجليز و يهود الشرق شبه الشرق اذا هم مش جنس جت بقي للمصريين و كانت المفاجأة الكبيره انها لاقيت الجين المصري نقي بنسبه97% وشبهته بالبحر ان أي حاجة بتجى عليه بتدوب فية و صعب تظهر يعني بتكون صفات متنحيه و زي ما قال العالم بترى ان رغم الغزوات اللي مرت علي مصرالا انها مغيرتش أي حاجه ولكن سلبيه نقاء الجين ان بينتج عن عدم تجددة بيتسبب في وجود ضعف في الاجسام و انتشار الامراض وكانت من ضمن أفكار الاسكندر الأكبر ان يجوز 10الاف مصري من نساء اليونان والعكس كل يوم لمحو التعصب العرقي ولكنه مات في سن صغير ملحقش يحقق فكرته تخليو كدة لو كانت تمت كان ايه اللي حصل دلوقتي !!!!!